Ignaz Pleyel
Ignaz Pleyel | |
---|---|
![]() ![]() | |
Bizitza | |
Jaiotza | Ruppersthal (en) ![]() |
Herrialdea | ![]() ![]() |
Heriotza | Paris, 1831ko azaroaren 14a (74 urte) |
Hobiratze lekua | Père Lachaise hilerria Grave of Ignace Pleyel (en) ![]() |
Familia | |
Seme-alabak | ikusi
|
Hezkuntza | |
Hizkuntzak | frantsesa alemana |
Irakaslea(k) | Joseph Haydn |
Jarduerak | |
Jarduerak | piano maker (en) ![]() ![]() |
Mugimendua | musika klasikoa First Viennese School (en) ![]() |
Genero artistikoa | opera sinfonia musika klasikoa liturgical music (en) ![]() |
Musika instrumentua | pianoa |
![]() ![]() ![]() ![]() ![]() ![]() |
Ignaz Pleyel (Ruppersthal, 1757ko ekainaren 18a - Paris, 1831ko azaroaren 14a) Austriar musikagilea, musika-argitaratzailea eta pianogilea izan zen.
Bost urtez Joseph Haydnen ikaslea izan zen. 1789. urtean Estrasburgoko kapera-maisu izendatu zuten, eta hamar urtez egon zen zeregin hartan. Garai hartan idatzi zituen musika-lan gehienak (1787-1795). Frantziako iraultzak musikan eta erlijioan sortzen zituen etenen ondorioz, Londresa jo zuen, eta arrakasta handia lortu zuen, batez ere, sinfonia kontzertanteekin eta kuartetoekin. 1795. urtean Parisen hasi zen bizitzen, eta musika argitaletxe bat sortu zuen. Hogeita hemeretzi urtean lau mila lan argitaratu zituen, batez ere Luigi Boccherini, Beethoven, Muzio Clementi, Jan Ladislav Dussek eta Haydn musikagileenak. 1807. urtean Pleyelek piano-lantegi bat zabaldu zuen Parisen, urteak igaro ahala, gero eta ospetsuago bihurtu zena. Pleyelek hogeita bederatzi sinfonia idatzi zituen, berrogeita bost kuarteto harizko musika-tresnetarako, bi biolin-kontzertu, eta sei piano-sonata, besteak beste. 1815. urtean haren seme zaharrena, Camille (1788-1855), enpresako kide bihurtu zen; piano-jotzaile bikaina zen eta administratzaile ona. Chopin adiskide mina zuen, eta Pleyel aretoan egin zuen hark Parisko aurkezpena, baita azken kontzertua ere.
Erreferentziak
Wikimedia Commonsen badira fitxategi gehiago, gai hau dutenak: Ignaz Pleyel ![]() |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q314019
Multimedia: Ignaz Pleyel / Q314019