Stade Maurice Dufrasne edukiera: 30.023 lagun inaugurazioa: 1909
Presidentea
Bruno Venanzi
Entrenatzailea
Luka Elsner
Liga
Belgikako Pro League
2023-24
12.a
Webgunea
Webgune ofiziala
Etxekoa
Kanpokoa
Stade Maurice Dufrasne.
Standard Lieja (izen osoa Royal Standard de Liège (fr), Standard Luik (nl), Standard Lüttich (de)) Belgikako futbol talde onenetakoa da, Lieja hirikoa. Belgikako 10 Liga eta 6 Kopa irabazi ditu eta Europako Errekopako final bat ere jokatu du.
Historia
Liejako Saint-Servais ikastetxeko ikasleek sortu zuten taldea 1898an. Garai hartan Standard Paris erreferentzia zen eskualde frankofonoetan eta hortik hartu zuten izena.
1926 eta 1928ko Ligatan bigarren postuak eskuratu zituen, bai eta 1936an ere. Lehenengo liga ordea 1958an irabazi zuen. Orduan hasi zen taldearen ibilbide garrantzitsuena, 1971 artean beste 5 Liga eskuratu baitzituen.
Historiako unerik politena 1982an iritsi zen Europako Errekoparen finalera iritsi zenean. FC Barcelonak garaitu zuen Bartzelonan bertan. Emaitza 2-1 izan zen.
XXI mendean ere maila bikainean aritu da eta gaur egun Belgikako talderik onenetakoa da. 2008 eta 2009ko Ligak eta 2011eko Kopa lortu ditu. Azkenengo tituluak 2016ko eta 2018ko Kopak ditu.