Pomeraniako badia
Pomeraniako badia | |
---|---|
![]() | |
Mota | senadi eta badia |
Sakonera | 20 m |
Geografia | |
![]() | |
Koordenatuak | 54°04′01″N 14°04′59″E / 54.067°N 14.083°E / 54.067; 14.083 |
Honen parte da | Arkona Basin (en) ![]() |
Pomeraniako badia (polonieraz: Zatoka Pomorska; alemanez: Pommersche Bucht; kaxubieraz: Pòmòrskô Hôwinga) Baltikoaren hego-mendebaldean, Alemania eta Polonia artean, kokatutako badia da.
Hegoaldean Usedom eta Wolin uharteek Szczecingo aintziratik eta Oder ibaiaren ahotik bereizten dute. Oderren hiru adarrek, Dziwna, Świna eta Peenek, itsas aintzira eta badia lotzen dituzte. Mendebaldeko muga Alemaniako Rügen uharteko Arkona lurmuturra da, eta ekialdekoa Gaskiko itsasargia (Kołobrzegetik ekialdera, Polonia).
Gehienezko sakonera 20 metrokoa da eta gatz maila ‰8koa. Itsasontzi trafiko handiko lekua denez gero, ubide nabigagarri artifizial batek Szczecingo kaia itsasoarekin lotzen du, Oder ibaia, Szczecin itsas aintzira eta Świnan zehar.
Pomeraniako badiako portu garrantzitsuenak Poloniako Szczecin (Szczecingo aintziran kokatua), Świnoujście, Kołobrzeg eta Dziwnów, eta Alemaniako Usedom (hau ere Szczecingo aintziran dagoena) eta Wolgast dira.
Erreferentziak
- Artikulu hau idazteko Ingelesezko Wikipediako Bay of Pomerania artikuluko informazioa erabili da.
Kanpo estekak
Datuak: Q326170
Multimedia: Bay of Pomerania / Q326170