Olivenzako gaztelua

Olivenzako gaztelua
Irudi gehiago
Kokapena
Estatu burujabe	Espainia
Autonomia	Extremadura
Probintzia	Badajozko probintzia
Udalerria	Olivenza
Koordenatuak	38°41′N 7°06′W / 38.69°N 7.1°W / 38.69; -7.1
Historia eta erabilera
Jabea	Tenpluko ordena
Ondarea

Olivenzako gaztelua (portugesez: Castelo de Olivença gaztelaniaz: Castillo de Olivenza) Badajozko probintzian (Extremadura), Portugalgo mugan, kokatutako gotorleku bat da. XIII. mendean eraiki zen.

Lehen unean musulmanek gotorlekua eraiki zuten. Tenpluko Ordenak eraiki zuen gaztelua. Aurretik, Alfontso IX.a Leongoak ordenari Olivenza herrixka utzi zion Badajozko taifa konkistatzeko emandako laguntza eskertzeko. Portugaldarren eskuetara igaro ondoren, Dionisio I.a Portugalgoak 1298an harresitu zuen. Geroago, 1488an, Joan II.a Portugalgoak omenezko dorrea altxatzea agindu zuen, Portugalen garaiena izan zena. Portugaldarren, espainiarren eta frantsesen eskuetatik igaro ondoren, Olivenza Espainiako erresumakoa da 1801etik. Gaztelua oso kaltetua izan zen Iberiar Penintsulako Gerran eta ondorengo abandonuan.^[1]

Extremadurako González Santana Etnografia Museoaren parte bat omenezko dorrean dago jarrita.

Harresiz inguratutako gaztelua da, harlangaitzezko horma lodi eta altuak eta horma itsuko dorre handiak ditu. Defentsa matakanetatik egiten zen, eraikinak ez baitu almenarik.

Hiru ate zituen, eta horietatik bi kontserbatzen ziren: Alconchelekoa, erdi-puntuko arkuarekin eta bi dorrek babestua, eta Los Angeleskoa, hau ere erdi-puntukoa baina frontoi batez errematatua. San Sebastiango atea 2006an berreraiki zuten.^[2]

Omenezko dorreak 40 metroko altuera eta 18 metroko aldea du, eta hiru solairu ditu; azkenaren dekorazioa nabarmentzen da. Dorrera gangaz estalitako hamazazpi arrapalatatik sartzen da, eta horietatik karga-animaliak igo daitezke. Helburu militarrekin eraiki zen. Defentsa-laguntza gisa, Portugalgo garaian zaintza-talaiak eraiki ziren, gazteluari Gaztelako tropen mugimenduak jakinarazteko.

• 
  San Sebastian atea.
• 
• 
• 
  Museo etnografikoa.

• (Gaztelaniaz):Badajozko Diputazioaren webgunea.

• Datuak: Q2968310
• Multimedia: Castle of Olivenza / Q2968310