Luis Rubiales
Luis Rubiales | |||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() | |||||||||||||||||||||||||||||||||||||||||||||||
2019ko maiatzaren 27a - 2023ko irailaren 10a - Armand Duka (en) ![]()
2018ko maiatzaren 17a - 2023ko irailaren 10a ← Juan Luis Larrea (en) ![]()
2010eko martxoa - 2018 - David Aganzo → | |||||||||||||||||||||||||||||||||||||||||||||||
Bizitza | |||||||||||||||||||||||||||||||||||||||||||||||
Jaiotzako izen-deiturak | Luis Manuel Rubiales Béjar | ||||||||||||||||||||||||||||||||||||||||||||||
Jaiotza | Las Palmas Kanaria Handikoa, 1977ko abuztuaren 23a (47 urte) | ||||||||||||||||||||||||||||||||||||||||||||||
Herrialdea | ![]() | ||||||||||||||||||||||||||||||||||||||||||||||
Bizilekua | Granada Punta Cana | ||||||||||||||||||||||||||||||||||||||||||||||
Familia | |||||||||||||||||||||||||||||||||||||||||||||||
Bikotekidea(k) | ikusi
| ||||||||||||||||||||||||||||||||||||||||||||||
Hezkuntza | |||||||||||||||||||||||||||||||||||||||||||||||
Heziketa | Camilo José Cela Unibertsitatea | ||||||||||||||||||||||||||||||||||||||||||||||
Hizkuntzak | gaztelania | ||||||||||||||||||||||||||||||||||||||||||||||
Jarduerak | |||||||||||||||||||||||||||||||||||||||||||||||
Jarduerak | futbolaria, kirol-zuzendaria eta abokatua | ||||||||||||||||||||||||||||||||||||||||||||||
| |||||||||||||||||||||||||||||||||||||||||||||||
Posizio edo espezialitatea | atzelaria full-back (en) ![]() | ||||||||||||||||||||||||||||||||||||||||||||||
Kirol zenbakia | 17 | ||||||||||||||||||||||||||||||||||||||||||||||
Altuera | 180 zentimetro | ||||||||||||||||||||||||||||||||||||||||||||||
![]() ![]() |
![](http://upload.wikimedia.org/wikipedia/commons/3/35/Luis_Rubiales_2018.jpg)
Luis Manuel Rubiales Béjar (Las Palmas de Gran Canaria, 1977ko abuztuaren 23a) Espainiako futbolari ohi eta kirol-buruzagia da, 2018ko maiatzaren 17tik Espainiako Futbol Federazioko presidentea. Ideologikoki oso eskuinekoa da[erreferentzia behar].
Ibilbidea
Espainiako Futbol Errege Federakundearen presidentea izan aurretik, Espainiako Futbolarien Elkarteko (AFE) presidentea izan zen. Bere kirol ibilbidean, Lehen Mailan hiru denboraldi jokatu zituen Levante Unión Deportiva taldearekin. Zuzenbidean lizentziatua da, Madrilgo Abokatuen Elkargoko abokatua eta Camilo José Cela Unibertsitateko kirol zuzendari tituluduna. 2019ko maiatzaren 29an, Rubiales UEFAko presidenteorde aukeratu zuten. Kirol munduarekin batzutan zerikusi zuzenarik ez duten eskandalu askoren protagonista izan da.[1] Horiek direla eta, Wikipediaren aurkako salaketa bat aurkeztu zuen 2022an, haren ohorearen aurkako informazioak zabaltzeagatik.[2]
Behin baino gehiagotan Euskal Selekzioaren ofizialtasunaren aurka hitz egin du, eta Espainiako Futbol Federakundearen presidente bezala FIFA eta UEFAren aurrean presioa egin du nazioarteko bi erakunde horiek 2021ean ofizialtasun hori aitortu ez zezaten [3] [4]
Mundialaren eskandalua
2023ko abuztuan, Espainiak Emakumezkoen Munduko Futbol Kopa irabazi ondoren, garaikurra banatzeko ekitaldian, Jennifer Hermoso jokalariari ezpainetan musu bat ematen grabatua izan zen. Instagrameko zuzeneko bideo batean, jokalariak adierazi zuen ez zitzaiola ekintza gustatu, eta, ondoren, bere sindikatuaren, FUTPROren eta bere ordezkaritza-agentziaren esku utzi zuela gertakariaren kudeaketa. Rubialesek, ordea, musua «espontaneoa, elkarren artekoa, euforikoa eta adostutakoa» izan zela argudiatu zuen. Ziurtatu zuen Hermosori galdetu ziola ea musua eman ahal zion, eta baiezkoa eman ziola jokalariak.[5]
Halaber, kirol-topaketa amaitu zenean, eta agintarien tribunan zegoela, Letizia erreginarekin, Sofia infantarekin eta FIFAko presidentearekin batera, RFEFko presidenteak protokoloa hautsi zuen, eta Espainiako selekzioaren garaipena ospatu zuen genitalak ukituz.
Abuztuaren 26an Nazioarteko Futbol Federazioko (FIFA) Diziplina Batzordeak gutxienez 90 egunez zigortu zuen behin-behinean. Futbolarekin zerikusia zuen edozein ekintzatan parte hartzeko debekatu zion.[6]
Erreakzio batzuk
- Rubialesen ez dimititzeko erabakia jakin orduko, Rafael del Amo Espainiako Emakumezkoen Futbol Kontseiluko eta Nafarroako Futbol Federazioko presidenteak dimisioa aurkeztu zuen.
- Euskadiko Futbol Federazioak adierazi zuen bere presidenteak dimisioa aurkeztuko zuela Espainiako Futbol Federazioaren Zuzendaritza Batzordearen hurrengo bilkuran. Horrez gain, ez zen batzarrera joan, munduko txapelketako «sari banaketan gertatutako larritasuna dela eta». Arabako, Bizkaiko eta Gipuzkoako presidenteek ere dimisioa aurkeztu zuten.[7]
Erreferentziak
- ↑ https://www.diariovasco.com/deportes/futbol/escandalos-sonados-rubiales-20230823151947-ntrc.html?dicbo=v2-zyctvue
- ↑ https://www.elconfidencial.com/espana/2023-08-23/rubiales-demanda-wikipedia-exige-borrar-contenido-salvar-imagen_3722976/
- ↑ Rubiales ve “irrealizable” la solicitud de oficialidad de la Vasca El Mundo Deportivo, 2018-12-13an
- ↑ La FIFA también dice No a la Euskal Selekzioa DEIA, 2021-08-3an
- ↑ https://www.berria.eus/albisteak/232105/fifak-gutxienez-90-egunez-zigortu-du-rubiales.htm
- ↑ https://www.naiz.eus/eu/info/noticia/20230826/la-fifa-anuncia-la-suspension-provisional-de-rubiales-y-otros-cercos-tambien-se-estrechan
- ↑ https://www.naiz.eus/eu/info/noticia/20230824/la-federacion-vasca-y-la-de-gipuzkoa-censuran-a-rubiales-y-no-acudiran-a-la-asamblea-de-la-rfef
Kanpo estekak
Datuak: Q733637
Multimedia: Luis Rubiales / Q733637