Irudi korporatibo
Marketinean, enpresa edo beste erakunde baten irudi korporatiboa gizarteak erakunde hori ikusten duen modua da. Irudi korporatiboa eragiten duten faktoreak anitz dira: produktua, bezeroekiko eta hornitzaileekiko harremanak, komunikazioa, gizarte erantzukizuna, lan giroa, eraikina etab. Faktore hauen guztien bitartez enpresak irudi bateratu eta garbia erakutsi nahi duenean, irudi korporatibo osatzen ari dela esaten da. Horretarako, enpresa identitate korporatibotik, enpresa benetan den horretatik alegia, abiatu eta gizartera bidaltzen dituen mezuak identitate horretara egokitu behar ditu. Hori dela eta, irudi korporatiboan bereziki zaintzen dira elementu grafikoak, hala nola logotipoa, baina baita ere koloreak eta agirietan erabilitako tipografia non, noiz eta nola agertu behar diren. Horietaz haraindi, irudi korporatiboak bezeroen arreta, langileen harrera eta bestelako arloak zaindu beharko ditu, enpresa modu argi eta zuzen batez identifikatua izan dadin. Horretarako guztirako, erakundeek arloz arloko eskuliburuak osatzen dituzte, non irudi egokia emateko ezarri diren elementuak zehazten diren.
Kanpo estekak
Datuak: Q977766