Inkonte-belar handi
Inkonte-belar handi | |
---|---|
![]() ![]() | |
Sailkapen zientifikoa | |
Erreinua | Plantae |
Ordena | Gentianales |
Familia | Apocynaceae |
Leinua | Vinceae |
Generoa | Vinca |
Espeziea | Vinca major Linnaeus, 1753 |
Inkonte-belar handia (Vinca major) landare belarkara herrestari eta betiberdea da, lore moreak dituena eta Mediterraneo mendebaldean jatorria duena. Inkonte-belar txikiaren antza du, baina handiagoa da.
Ezaugarriak
Vinca major landare herrestaria da, lur mailan hedatzen eta zurtoinetan zehar sustraitzen dena, klon kolonia zabalak eratzeraino. 50-70 cm garai izan daiteke, baina ez da igokaria.
Hostoak betiberdeak dira, aurkakoak, 3-9 cm luze eta 2-6 cm zabal, berde ilun distiratsuak, larrukarak eta ertz osokoak baina ziliatuak (iledunak). 1-2 cm luzeko peziolo ileduna du.
![](http://upload.wikimedia.org/wikipedia/commons/thumb/2/21/Vinca_major-minor_margins.jpg/220px-Vinca_major-minor_margins.jpg)
Udaberri hasieratik udazkeneraino loratzen da. Loreak hermafroditak dira, moreak (nahiz eta kultibar batzuetan zuriak edo lilak izan), 3-5 cm diametroan eta bost petaloko koroladunak.
Vinca minor hurbileko espeziea oso antzekoa da, baina txikiagoa atal guztietan eta ertz ilegabeko hosto estuagoekin.
Habitata
Espezie hau Europa hegoaldean eta Afrika iparrandean bizi sa, Espainia eta Frantzia hegoaldetik Balkanetaraino. Euskal Herrian aski hedatua da, batez ere kostaldean eta beheko ibarretan (mendiak kanpo)[1].
Habitat hezeetan hazten da, hala nola basope, ibarbaso eta heskaietan, 0–800 metroko altitudean. Eguteran eta itzaletan berdin bizi da.
Lorategietan ere landatzen da apaingarri, eta heskai eta ezponda freskoetan bertakotzen da[2].
Irudiak
- Xehetasuna: lorea, ernamuina eta hostoak udaberrian
- Vinca major barietate bat
- Oxyloba barietateko loreak
- Lorea
- Ikus sepaloko ertz ileduna
- Hostoa
Erreferentziak
Kanpo estekak
Datuak: Q161746
Multimedia: Vinca major / Q161746
Espezieak: Vinca major