Hygrophorus lucorum

Hygrophorus lucorum
Irudi gehiago
Sailkapen zientifikoa
Erreinua	Fungi
Klasea	Agaricomycetes
Ordena	Agaricales
Familia	Hygrophoraceae
Generoa	Hygrophorus
Espeziea	Hygrophorus lucorum Kalchbr., 1874

Hygrophorus lucorum Hygrophoraceae familiako onddo espezie bat da. Kontsumitu daitekeen arren, errespetatzea gomendatzen da.

Sinonimoak: Limacium lucorum, Tricholoma luteocitrinum.

Kapela: Txikia, 2 eta 4 cm bitarteko diametrokoa, konikotik laura (erdiko irtengune txiki bat mantenduz), ertza inkurbatu samarra. Kapelaren azala kolore bakarrekoa, hori zurbil-limoi kolorekoa (ez laranja), erdialderantz biziagoa.

Orriak: Laster hori bihurtzen diren zuriak (arrasto zuriak mantendu arren), dekurrente samarrak, zabal, oinera mehetuak, lamelulekin. Errezel kortiniforme zuria, oinaren behealdean gehiago ikusten dena.

Orri dekurrenteak: Hanka ukitzeaz gain beherantz jarraitzen duten orriak.

Hanka: 4 eta 7 cm bitarteko garaierakoa, zilindrikoa, nahiko zuzena, zurixka, ez du kolorezko apaingarririk, flokositate zurbilak baizik.

Haragia: Kapelaren azpian zuri-hori kolorekoa. Usaingabea eta zaporegabea.^[1]

Etimologia: Hygrophorus hitza grekotik dator, heze eta ekarri beharreko “phoréo”-tik, hau da, hezetasuna bildu eta kontserbatzen duenetik. Lucorum epitetoa berriz latinetik dator, basoa esan nahi duen “lucus” hitzetik. Basoetan hazten delako.

Jangarri kaskarra.

Hygrophorus speciosus delakoa ere alertzeen azpian ateratzen da, likatsuagoa da, hori laranja (kalidoagoa) kapelan eta hanka luzeagoa du eraztun txikiz oparo apaindua. Hygrophorus aureus ere hori-laranja kolorekoa da. Camarophyllus pratensis espezieak, kapelaren azala lehorra eta ez du likatsua, orriak zainekin elkartuak.^[2]

Udazken amaieran, alertzeak azikulak galtzen dituenean. Mendiko alertzeetan bakarrik. Ale askoko taldeetan.

Kanada, Ameriketako Estatu Batuak, Europa, Errusia, Hego Korea, Japonia, Thailandia.^[3]

• Datuak: Q1879286
• Multimedia: Hygrophorus lucorum / Q1879286