Erromantza

Romanza Española Espainiar erromantza
Arazoak fitxategi hau entzuteko? Ikus multimedia laguntza.

Erromantza^[1] (gaztelaniaz: romance/romanza, italieraz: romanza, alemanez: Romanze, frantsesez: romance, errusieraz: романс, portugesez: romance, errumanieraz: romanţă) italiar operako aria-moduko konposizio batzuei emandako izena da. Eskuarki, ariak baino giro intimoagokoak izaten dira.^[2]

Historia

Genero hau Erdi Aroan landu zen eta ondoren XVI., XVII. eta XVIII. mendeetan, garai hartako erromantze batzuk mantentzen direlarik, Direktorioaren garaian eta XIX. mendearen erdialdean Frantzian eta batez ere Italian boga handia hartu zuen. Erromantzak idatzi zituzten musikari ezagunenen artean Garat, Boieldieu, Romagnesi, Mompou, Clapisson eta abar daude. Aretoko eta operako erromantzak ere badaude, baita zarzuelakoak ere.

Espainiar erromantza musikari profesionalek interpretatzen zuten, ahotsez eta bihuelaz batez ere, noblezia gai historiko eta mitikoekin dibertitzea helburu zuena. Aro barrokoan gabon kantarekin identifikatu zuten, eta klasizismoan, ahots eta orkestrarako kantata txikiekin. Zarzuelaren generoan, erromantza gai liriko eta, batez ere, maitasunezko kantu edo aria bat da.