Datil oker

Datil oker
Irudi gehiago
Sailkapen zientifikoa

Erreinua	Animalia
Filuma	Mollusca
Klasea	Bivalvia
Ordena	Veneroida
Familia	Pharidae
Generoa	Ensis
Espeziea	Ensis ensis Linnaeus, 1758

Datil okerra (Ensis ensis) molusku kuskubiko bat da, Pharidae familiakoa. Ipar-mendebaldeko Europan jatorria duen^[1] datil hau jateko ona da.

Deskribapena

Bi oskol errektangular luze ditu, estuak eta pixka bat kurbatuak. Oskol biak simetrikoak dira animalia ongi itxi ahal izateko. 10 zentimetro inguruko luzera hartu dezake. Marra elkartzutak ditu, hazkuntza prozesua aierazten dutenak.

Ingelesez Sword razor eta gaztelaniaz Navaja esaten zaio daukan labana itxuragatik.

Banaketa

Europa ipar-mendebaldeko kostaldean aurkitzen da Itsaso Baltikoan eta Norvegian hasi eta Portugal alderaino^[2]. Euskal Herriko kostaldean ere badago.

Bizimodua

Eremu neritikoan eta mareateko guneko sedimentuetan aurkitzen da. Itsasgoran sedimentuen azalera hurbiltzen da baina ura jeistean edo arriskua somatzen duenean lurbarnera metro erdiko sakonerara sartzen da. Azkar egiten du tunela^[3].

Bi sifoi ditu eta hondarretatik ateratzen ditu. Sifoi batetik ura hartu eta bestetik bota egiten du eta bitartean ura iragazi eta elikadura partikulak xurgatzen ditu^[4].

Ugalketa

Udaberrian ugaltzen da eta larbek zooplaktona osatzen dute. Hilabete pasa ondoren lurrera jeitsi eta sustratuan finkatzen da. Hiru urte dituenean heldua da eta 10 urte ere bizi daiteke^[3].

Erreferentziak

↑ Conchological Society of Great Britain and Ireland^{[Betiko hautsitako esteka]}
↑ «Ensis ensis (Linnaeus, 1758) | The Conchological Society of Great Britain and Ireland» www.conchsoc.org (Noiz kontsultatua: 2020-10-06).
↑ ^a ^b Fish, J.D. eta Fish, S.. (1996). A student’s guide to the seashore (2. edizioa). Cambridge University Press, Cambridge..
↑ «ARKive - Razor shell videos, photos and facts - Ensis ensis» web.archive.org 2011-06-18 (Noiz kontsultatua: 2020-10-06).

Kanpo estekak

Autoritate kontrola	Wikimedia proiektuak Datuak: Q602527 Multimedia: Ensis ensis / Q602527 Datu taxonomikoak ADW: Ensis_ensis BOLD: 326829 Dyntaxa: 250112 GBIF: 2287248 OBIS: 140733 ITIS: 81024 NCBI: 120427 WoRMS: 140733 Kimikako identifikadoreak UNII: N58P278CUC