Conil de la Frontera
Conil de la Frontera Conil de la Frontera | |||||||||||
---|---|---|---|---|---|---|---|---|---|---|---|
Espainiako udalerria | |||||||||||
![]() ![]() | |||||||||||
| |||||||||||
Administrazioa | |||||||||||
Estatu burujabe | ![]() | ||||||||||
Autonomia | ![]() | ||||||||||
Probintzia | Cádizko probintzia | ||||||||||
Alkatea | Inmaculada Sanchez Zara (en) ![]() | ||||||||||
Izen ofiziala | Conil de la Frontera | ||||||||||
Jatorrizko izena | Conil de la Frontera | ||||||||||
Posta kodea | 11140 | ||||||||||
INEk ezarritako kodea | 11014 | ||||||||||
Herriburua | Conil de la Frontera | ||||||||||
Geografia | |||||||||||
Koordenatuak | 36°16′32″N 6°05′16″W / 36.2756°N 6.0877°W / 36.2756; -6.0877 | ||||||||||
![]() | |||||||||||
Azalera | 88,51 km² | ||||||||||
Altuera | 41 m | ||||||||||
Mugakideak | Chiclana de la Frontera eta Vejer de la Frontera | ||||||||||
Demografia | |||||||||||
Biztanleria | 23.661 (2023)![]() | ||||||||||
| |||||||||||
Dentsitatea | 267 bizt/km² | ||||||||||
Informazio gehigarria | |||||||||||
Ordu eremua | UTC+01:00 | ||||||||||
Matrikula | CA | ||||||||||
enconildelafrontera.es eta alquilerconil.com |
Conil de la Frontera Cadizko probintzian dagoen udalerri andaluziarra da. 41 m-ko altueran eta Cadiztik 43 km-tara kokaturik, 2007ko datuen arabera 20.301 biztanle zituen 87 km²-tan banaturik.
Historia
Conil de la Frontera feniziarren garaian sortu zuten. Hauek hasi ziren atuna arrantzatzen almadraba teknika erabiliz. Feniziarren ondoren kartagoarrak ezarri ziren herrian, eta atunaren arrantzarekin jarraitu zuten. Gazitzeak gordetzeko eraikinak ere egin zituzten.
Erromatarrek Via Augusta eraiki zuten inguru hartan.
Erromatar inperioa erori ondoren, bisigodoek, bandaloek eta bizantziarrek Conil sakeatu zuten. 711. urtean musulmanek konkistatu zuten lurralde hura.
1265ean kristauek musulmanak garaitu zituzten, eta "de la Frontera" gehitu zioten herriari, kristau erresumen mugan geratu zelako.
Kristauen agintepean, Juan Alonso Perez de Guzman izan zen hiriko lehen erregidorea. Honek erregeek emandako pribilegio bat zeukan, eremu hartan atuna arrantzatzeko. Hiria defendatzeko, Torre de Guzman dorrea eraiki zuen, eta baita defentsarako beste eraikin batzuk ere. Adibidez, harresia.[1]
Klima
![]() ![]() | |||||||||||||
---|---|---|---|---|---|---|---|---|---|---|---|---|---|
Hila | Urt | Ots | Mar | Api | Mai | Eka | Uzt | Abu | Ira | Urr | Aza | Abe | Urtekoa |
Batez besteko tenperatura (ºC) | 11 | 12 | 13 | 15 | 18 | 21 | 23 | 24 | 22 | 18 | 14 | 11 | 16 |
Pilatutako prezipitazioa (mm) | 91 | 79 | 92 | 62 | 44 | 11 | 1 | 4 | 31 | 86 | 103 | 110 | 713 |
Iturria: Weatherbase[2] |
Ikustekoak
- Los Bateles hondartza
- Torre de Guzman: hiriko eraikin zaharrena, XIV. mendekoa.[3]
- Castilnovo dorrea: XVI. mendekoa. Bi funtzio zituen, kostaldearen defentsa eta atunaren arrantzan laguntzea.[4]
- Santa Katalina Zentro Kulturala (lehengo Eliza Nagusia): Gaur egungo itxura 1886 eta 1891 urteen artean eman zitzaion.[5]
- Errukiaren Eliza: XVIII. mende amaierako eraikin barrokoa. Herriko familia pobreentzat eraiki zuen Sebastian Sanchez Franco merkatari aberatsak.[6]
- Santa Katalina eliza eta udaletxea: XVI. mende amaieran eraikitakoak.[7]
- Bunkerra: 40. hamarkada hasieran eraikitakoa.[8]
- Hiriko atea: XVI. mendeko harresia zeharkatzeko zeuden lau ateetatik geratzen den bakarra.[9]
- La Chanca: XVI. mendeko eraikina, atunak zatitzeko eta gazitzeko erabiltzen zen. Neguan almadraban erabiltzen ziren tresnak gordetzeko biltegia zen. Gaur egun Almadrabari buruzko interpretazio zentro bat dago bertan.[10]
Ekonomia
Historikoki arrantza izan da herriaren oinarri ekonomikoa, baina XXI. mende hasieran turismoa ere sektore garrantzitsua da.
1980ko hamarkada erdialdean Conileko portu eta itsasargi berria eraiki zituzten, Roche ibaiaren alboan, herrigune nagusitik kilometro batzuetara. Ordura arte txalupek ez zeukaten porturik, eta hondartzan egoten ziren.[11]
Demografia
![](http://upload.wikimedia.org/wikipedia/eu/timeline/ko98gffm5px173ckj27na9f3b0dz6gk.png)
Argazki galeria
- Torre de Guzman
- Portua
- Hiriko atea
- Santa Katalina eliza
- Errukiaren eliza
- Santa Katalina Zentro Kulturala
- Castilnovo dorrea
Ikus, gainera
Erreferentziak
- ↑ «Huellas de la prehistoria e historia | Conil Turismo» turismoconil.es (Noiz kontsultatua: 2023-04-16).
- ↑ Conil, Spain Travel Weather Averages. Weatherbase (Noiz kontsultatua: 2013-06-29).
- ↑ «Torre de Guzmán» turismoconil.es (Noiz kontsultatua: 2023-04-16).
- ↑ «Torre de Castilnovo» turismoconil.es (Noiz kontsultatua: 2023-04-16).
- ↑ «Centro Cultural Santa Catalina» turismoconil.es (Noiz kontsultatua: 2023-04-16).
- ↑ «Iglesia de la Misericordia» turismoconil.es (Noiz kontsultatua: 2023-04-16).
- ↑ «Iglesia de Santa Catalina y Ayuntamiento» turismoconil.es (Noiz kontsultatua: 2023-04-16).
- ↑ «Búnquer Fuente del Gallo» turismoconil.es (Noiz kontsultatua: 2023-04-16).
- ↑ «Puerta de la Villa» turismoconil.es (Noiz kontsultatua: 2023-04-16).
- ↑ «La Chanca | Conil Turismo» turismoconil.es (Noiz kontsultatua: 2023-04-16).
- ↑ «Conil y la pesca | Conil Turismo» turismoconil.es (Noiz kontsultatua: 2023-04-16).
Kanpo estekak
- (Gaztelaniaz) Conil de la Fronterako udalaren webgunea
- Turismo orria
Datuak: Q832984
Multimedia: Conil de la Frontera / Q832984