Bairro Alto
Bairro Alto | |
---|---|
bairro (en) ![]() | |
![]() | |
Administrazioa | |
Estatu burujabe | ![]() |
Portugalgo barrutia | Lisboa |
Hiria | Lisboa |
Freguesia | Misericórdia |
Geografia | |
Koordenatuak | 38°42′49″N 9°08′43″W / 38.713746°N 9.145193°W / 38.713746; -9.145193 |
![]() | |
Demografia |
Bairro Alto Lisboako auzo historikoa da, hiriko alde zaharrean eta gainaldean kokatutakoa. Halaber, oso leku erakargarria da turismoaren aldetik bere miradoirotatik hiriaren ikuspegi itzelak daudelako.
Historia
XVI. mendeko amaieran eraiki izan zuten. Bi fasetan eraiki zen; lehenengoa 1487an hasi zen, Guedelha Palaçano hil eta haren alargunak hiriko harresietatik kanpora zeuden lurrak saldu zituenean. Vila Nova dos Andrades izena hartu zuen hasiera hartan. 1514an Santa Catarina atearen inguruan altxatu ziren lehen etxean eta Rua das Flores, Rua do Cabo, Rua do Castelo eta ondoren Rua Primeira, Rua Segunda eta Rua Terceira kaleak osatu ziren. 1527rako 408 etxe eta 1.600 biztanle zituen.
1531eko lurrikararen ondoren etxe gehiago egiteko beharra ikusi zen eta 1551erako 2.464 etxe eta 20.132 biztanletara iritsi zen auzoa.
Bigarren fasea 1553an abiatu zen jesuitak São Roque parrokian ezarri zirenean. Parrokia honetatik hasi eta Avintesko kondeen jauregiraino eraiki zen.
1755eko Lisboako lurrikarak ez zuen askorik kaltetu Bairro Alto baina Pombalgo markesak eraikin eta kaleak berrizteko aprobetxatu zuen egoera.
Egitura
Batasun administratiborik ez duen arren izaera sozial eta historiko nabaria dauka. Baixa Pombalinatik igogailuen bidez igo daiteke bertara, denetan ezagunena Santa Justa igogailua da. Maldan behera Tajo ibairantz eginez gero Chiado auzora iristen da. Auzo bien arteko muga Praça Luís de Camões da.
Fadoa
Bairro Alto eta fadoa elkar lotuta daude, musika mota hau hemen tartean garatu izan delako.
Gaugiroa
80. hamarkadatik aurrera Lisboako gaugiro nagusia Bairro Alton dago izan ere fado-etxeez gain, jatetxe eta taberna ugari baitaude.
Ondasun nabarmenak
- Santa Catarina eliza.
- Praça Luís de Camões.
Iruditegia
- Kale tipikoa.
- Kale tipikoa.
- Kale tipikoa.
Ikus, gainera
- Lisboako auzo historikoak
Kanpo estekak
Datuak: Q652613
Multimedia: Bairro Alto (Lisbon) / Q652613