Aitzol Aramaio
Aitzol Aramaio | |
---|---|
Bizitza | |
Jaiotzako izen-deiturak | Aitzol Aramaio Bengoetxea |
Jaiotza | Ondarroa, 1971 |
Herrialdea | ![]() |
Heriotza | Ondarroa, 2011ko apirilaren 24a (39/40 urte) |
Heriotza modua | berezko heriotza: miokardio infartu akutua |
Hezkuntza | |
Hizkuntzak | gaztelania |
Jarduerak | |
Jarduerak | film-zuzendaria eta gidoilaria |
Lan nabarmenak | ikusi
|
![]() ![]() ![]() |
Aitzol Aramaio Bengoetxea[1] (Ondarroa, 1971 - ib., 2011ko apirilaren 24a) zuzendari eta gidoilaria zen. Ikus-entzunezko komunikazioa ikasi zuen EHUn. Terminal film laburrarekin estreinatu zen 2002an.
Egin zuen film luze bakarra (Un poco de chocolate, 2008. urtekoa) Unai Elorriagaren SPrako tranbia eleberrian oinarritu zen.[2]
40 urterekin hil zen, bihotzekoak jota.[3] Hurrengo urtean, 2012an Marabilli Sormen Festibala abiatu zuten herrian haren omenez, arte desberdinetan aritutako artistak sostengatuz. Bi urtetik behin antolatu dute ordutik. Izena, haren esaldi ezagun batetik hartu dute: "Bixitxi marabilli re", Piztiak taldeak abesti bihurtu zutena.
Formakuntza
Andoaingo Zinema eta Bideo Eskolan ikasketak egin ostean, 1992tik aurrera Urnietako Zinema Eskolan formakuntza egin zuen. Bertan, Juanma Bajo Ulloak eta José Luis Guerinek klaseak ematen zituzten zuzendaritza lanak irakasteko. Halaber, gidoigintza ikastaroa egin zuen bertan Michel Gaztanbide eta José Antonio Vitoriarekin. ETBrako proiektu batzuetan parte hartu eta gero, 1999an joan zen Los Angelesera "Jullia" pelikulan zuzendari laguntzaile moduan lan egitera. 2000tik hainbat spot zuzendu zituen Iberdrola, Telefónica, BBK edo Deia-rako.
Lanak
Zuzendutako filmak
- Terminal (2002), film laburra. Latin American Film Festival (Londres, Erresuma Batua), Morbegno Film Festival (Morbegno, Italia) eta Georgetown Film Festival (Georgetown, Ameriketako Estatu Batuak) zinemaldietako atal ofizialetarako hautatu zuten, besteak beste. Hainbat sari jaso zituen, hauek dira aipagarrienak: Veneziako Film Laburren Nazioarteko Zinemaldiko (Off zirkuitua) ikusleen saria; Lizarrako Film Laburren III. Erakusketako ikusleen saria; Beasaingo Zinemaldiko ikusleen saria; Cortada film laburren zinemaldiko (Gasteiz) epaimahaiaren saria.[1]
- Un poco de chocolate (2008), film luzea: Héctor Alterio, Daniel Brühl eta Bárbara Goenaga aktoreekin.
Beste batzuk
Horretaz gain, hainbat bideoklip grabatu zituen Kepa Junkera, Berri Txarrak, Pi L.T. edota Mikel Urdangarinekin.
Erreferentziak
Kanpo estekak
- Kirmen URIBE: «Aitzol Aramaiori», Gara, 2011-05-02.
Datuak: Q8192402