Abdomeneko muskulu zuzen
Abdomeneko muskulu zuzen | |
---|---|
Irudi gehiago | |
Xehetasunak | |
Arteria | Beheko epigastrio arteria |
Nerbioa | Seigarren saihetsarteko nerbioa Zazpigarren saihets-arteko nerbioa Zortzigarren saihets-arteko nerbioa Bederatzigarren saihets-arteko nerbioa Hamargarren saihets-arteko nerbioa Hamaikagarren saihets-arteko nerbioa Saihets-azpiko nerbioa iliohypogastric nerve (en) |
Muskuluaren akzioa | Enborraren flexioa Enborraren flexio laterala Prentsa abdominala |
Antagonista | Trizeps espinal (muskulu erektorea)a |
Identifikadoreak | |
Latinez | m. rectus abdominis |
MeSH | A02.633.567.050.800 |
TA | A04.5.01.001 eta A04.5.00.001 |
FMA | 9628 |
Terminologia anatomikoa |
Abdomeneko muskulu zuzena sabel hormetako muskulu bat da. 5-7. saihetsetako kartilago aurpegitik eta xifoide apofisitik pubiseko arantzara eta sinfisi pubikora heltzen da, zuntzak bertikalki doazelarik[1]. Muskulu poligastrikoa da, hau da, hainbat atalez osatua dago. Hiru bitarteko tendoi ditu: xifoide azpiko tendoia, zilbor mailako tendoia eta zilbor azpiko tedoia. Muskuluaren aponeurosia lerro zuriaren osagaietako bat da. Muskulu piramidalarekin batera, muskulu zuzenen lekaz inguratuta dago. Leka hau, alboko muskuluen aponeurosiek osatzen dute.
Anatomia
Funtzioa
Funtzioari dagokionez, arnasketan parte hartzen du. Honez gain, prentsa funtzioa (erraiak beren tokian mantendu) eta funtzio emuntorioa (haurdunaldian lagundu, defekazioa...) dauzka. Abdomeneko muskulu zuzenak enborraren flexioa eragiten du saihetsen bidez bizkarrezurra tolestaraziz. Alde bateko uzkurdurak edo unilateralak enborraren tolespen ipsilaterala (alde berdinera) egiten du.
Inerbazioa[2]
6-12 saihetsarteko nerbioak, nerbio subkostalak eta nerbio iliohipogastrikoak inerbatzen dute somatikoki.
Odoleztapena
Batetik, beheko arteria eta zain epigastrikoek odoleztatzen dute. Hauek lerro arkututik zehar sartu eta muskuluaren beheko zatia odoleztatuko dute. Bestalde, goiko atalaren odoleztapenaz goiko arteria epigastrikoa, barneko arteria torazikoaren adar bat, arduratzen da.
Patologiak
- Abdomen paretako diastasia[3]: muskulu honen ezker eta eskuineko aldeak bereizi egiten dira elkarrengandik. Erditzearen ostean, abdomeneko muskuluak mugitu egiten dira. Batzuetan, ordea, ez dira beren lekura itzultzen guztiz. Honek herniazioak eragin ditzake, zoru pelbikoa kaltetu daiteke, besteak beste.
- Abdomeneko hormako bat-bateko hematomak:tratamendu antikagulanteak hartzen dituzten gaixoetan agertu ohi dira eta abdomeneko min akutua eragiten dute.
Irudi gehigarriak
- Zeharkako mozketa
- Abdomeneko muskuluak
- Hildakoan
Erreferentziak
- ↑ (Ingelesez) Gray's Anatomy for Students, 2nd Edition - 9780443069529. (Noiz kontsultatua: 2017-03-09).
- ↑ Duchateau, J.; Declety, A.; Lejour, M.. (1988-08-01). «Innervation of the rectus abdominis muscle: implications for rectus flaps» Plastic and Reconstructive Surgery 82 (2): 223–228. ISSN 0032-1052. PMID 2969596. (Noiz kontsultatua: 2017-03-09).
- ↑ Lee, Diane; Hodges, Paul W.. (2016-07-01). «Behavior of the Linea Alba During a Curl-up Task in Diastasis Rectus Abdominis: An Observational Study» The Journal of Orthopaedic and Sports Physical Therapy 46 (7): 580–589. doi:10.2519/jospt.2016.6536. ISSN 1938-1344. PMID 27363572. (Noiz kontsultatua: 2017-03-09).
Kanpo estekak
- 168165454 at GPnotebook
- Anatomy figure: 04:04-07 at Human Anatomy Online, SUNY Downstate Medical Center – "Muscles of the anterior chest wall with the pectoralis major muscles removed."
- Anatomy photo:18:01-0115 at the SUNY Downstate Medical Center – "Thoracic Wall: The Anterior Thoracic Wall"
- Anatomy figure: 35:06-07 at Human Anatomy Online, SUNY Downstate Medical Center – "Incision and reflection of the external abdominal oblique muscle."
- Anatomy figure: 35:07-01 at Human Anatomy Online, SUNY Downstate Medical Center – "Incision and reflection of the internal abdominal oblique muscle."
- Anatomy photo:35:10-0100 at the SUNY Downstate Medical Center – "Anterior Abdominal Wall: The Rectus Abdominis Muscle"
- Cross section image: pembody/body12a - Plastination Laboratory at the Medical University of Vienn
- Datuak: Q275150
- Multimedia: Rectus abdominis muscle / Q275150